Zhromadne dźěło ze staršimi

Zasadnje matej staršeju zamołwitosć za dźěći. Tule w dźěćacym domje chcemy być partner, kotryž přewodźa a podpěra. Runje tak chcemy, zo starši so do wotběha zapřijeja, kotryž dźěći nastupa.

We zhromadnym dźěle ze staršimi chcemy zasady kubłanja a zastaranja spřistupnjeć. Mjezsobna wuměna je nam jara wažna. Tak zmóžnimy česćownostny wobchad mjez kubłarkami/-jemi a staršimi. Jenož tak docpějemy, zo starši nam chowancy rady dowěrjeja.

Pod zhromadnym dźěłom zrozumimy přizjewjenske rozrěče, přijimanske rozrěče, zhromadne zažiwjenje z dźěćom, skupina pjerachow, prawidłowne staršiske wječory, lětne wuwićowe rozmołwy a zhromadne dźěło ze staršiskej přiradu. Staršiska přirada poskića staršim móžnosć, dźěło w dźěćacym domje sobu wuhotować. Dwulětnje woli so w kóždej skupinje staršiski/-a rěčnik/-ca a zastupjer/-ka a tak so staršiska přirada wutwori.

Staršiska přirada so prawidłownje z wjednicu a nošerjom zetkała.