Stawizniski pozadk dźěćaceho domu “Alojsa Andrickeho” z lěta 1911 hač do dźensnišeho

1911 załožichu boromejki pěstowarnju w dźensnišej farje. Nošerstwo přewza ze spočatka katolska fara “Marija kralowna Róžowca” w Radworju. Po wotchadźe rjadniskich sotrow přewza 1970 wjednistwo pěstowarnje cyrkwinsce wukubłana kubłarka.

Ličba zajimcow za pěstowarske městno wot 1975 přiběraše, tola městnosć a twarske wuměnjenja tomu njewotpowědowachu. 1982 započa so přetwar něhdyšeje farje k pěstowarnje. W jutrowniku 1984 zahaji so nowa pěstowarnja “Alojs Andricki”.

Rodźeny Radworčan wuzwoli so jako patron za kubłanišćo. Wón je jako měšnik swoju wěru njebojaznje wuznawał, za čož přisadźi 1943 w Dachauskim kaceće jako 28lětny swoje žiwjenje. Wjesołe wašnje lěće 2011 zbóžnoprajeneho kapłana Alojsa Andrickeho je w dźěćacym domje z přikładom.

Po přewróće 1989 čakaše tóšto wužadanja na kubłanišćo. Stat připózna prěnjoraznje cyrkwinske pěstowarnje a powołanske wotzamknjenja a je pjenježnje podpěra.

W lěće 1992 přetwari so bróžnja na ležownosći dźěćaceho domu do wjacezaměroweho twara a 1994 zaćahnychu hortowe dźěći do rumnosćow.

Přiběraca ličba na žłobikarskich městnow nuzuje nošerja za dalši wutwar wjacezaměroweho twara. A tak so w třěšnym poschodźe žłobik zaměstni. Za mjeńše dźěći so wotpowědne hrajkanišćo nastaji. W tutym času běše hort na farje zaměstnjeny.

21.12.2008 so rumnosće a hrajkanišćo žłobika poswjeća. Ležownosć so po dwojich krokow wšostronsce ponowja a w septembru 2009 přepoda.

Po hawariji dnja 28.07.2009 njesmědźeše so dźěćacy dom dale wužiwać. Hač da so twar saněrować abo je nowotwar trěbny da biskopski ordinariat Drježdźanskoh-Mišnjanskeho biskopstwa přepytować. Wšitcy zamołwići so pak za nowotwar rozsudźichu.

Po tym zo je so w aprylu 2011 chěža spotorhała, so w juniju nowotwar započnje.

Naš dźěćacy dom woswjeća 16.Oktober 2011 100ty jubilej.

Biskop Joachim Reinelt poswjeća 20.julija 2012 swjatočnje nowotwar.